Biz yüksək keyfiyyətli beton istehsal edirik!

Haqqımızda

Ölkəmizin inşaat işləri sahəsinə verdiyi dəyərli töhfələrlə ixtisaslaşan “Crystal Beton” QSC beton məhsulları zavodu kimi 2002-cü ildən fəaliyyətə başlayıb.

İnşaat müəssisələrinə, hüquqi və fiziki şəxslərə yüksək keyfiyyətli beton satışı  məqsədilə Binəqədidə kiçik beton zavodunun qurulması ilə fəaliyyətimizə başladıq və sonralar bazarda beton məhsullarına artan tələbatı qarşılamaq məqsədilə beton müəssisələrinin sayı artırılmışdır və “Crystal Beton” QSC adı altında birləşdirilmişdir.

Hazırda Abşeron rayonunun Xırdalan şəhərində, Bakı şəhəri Binəqədi rayonunun Binəqədi qəsəbəsində, Nizami rayonunun Keşlə qəsəbəsində və Yasamal rayonunda 4 zavodumuz fəaliyyət göstərir.

Şirkətimiz beton istehsalı sahəsində ölkəmizin aparıcı şirkətlərindən biri kimi  müştərilərinə yüksək keyfiyyətli, beynəlxalq standartlara cavab verən beton məhsulları təqdim etməklə, ölkə əhəmiyyətli, sayılıb-seçilən və uğurlu layihələrə imza atmışdır. Daim modernləşməyə açıq olan, qabaqcıl iş metodlarını və texnologiyanı fasiləsiz mənimsəyən şirkətimiz təlim keçmiş mühəndis texniki işçi heyəti, müasir cihazlarla təchiz olunmuş laboratoriyası  və maşın parkı ilə hər cür infrastruktur işlərini qısa müddətdə tamamlayır.

Beton alıcılarının gözləntilərini doğrultmaq və bazarın tələblərini davamlı şəkildə qarşılamaq üçün yüksək keyfiyyətli beton məhsulları təqdim etmək, qabaqcıl texnoloji həll yollarının tətbiqinə nail olmaq əsas prioritetlərimizdən biridir.

“Crystal Beton” QSC fəaliyyətinin ilk günündən etibarən qazandığı uğurlar və keyfiyyətli beton istehsalına görə, çalışdığı sektorda yaratdığı iş dəyərlərinə və  peşəkar komandaya borcludur.